शार्क टँक इंडियाची जज नमिता थापरने कान्स 2024 मध्ये कान्समध्ये पदार्पण केलंय. बॉलीवूडपासून हॉलीवूडपर्यंतचे सर्व तारे नेहमीच ‘कान्स फिल्म फेस्टिव्हल’ची आतुरतेने वाट पाहत असतात. ‘कान्स फिल्म फेस्टिव्हल 2024’ मध्ये पुन्हा एकदा स्टार्स आपली जादू दाखवत आहेत. कियारा अडवाणी, ऐश्वर्या राय, अदिती राव हैदरी यांच्यासह अनेक भारतीय स्टार्स लवकरच कान्सच्या रेड कार्पेटवर आपल्या सौंदर्याची झलक दाखवताना दिसणार आहेत. ‘तारक मेहता का उल्टा चष्मा’ मालिकेतील अभिनेत्री दीप्ती साधवानीने देखील रेड कार्पेटवर आपल्या स्टाईलने आणि लुक्सने आधीच सर्वांची मने जिंकली आहेत.
आता ‘शार्क टँक इंडिया’ची जज नमिता थापरने देखील कान्स 2024 च्या दुसऱ्या दिवशी ख्रिस हेम्सवर्थ-स्टार ‘फुरियोसा ए मॅड मॅक्स सागा’ च्या प्रीमियरला हजेरी लावली. नमिताचा लूक सर्वत्र व्हायरल होत आहे. नमिताचा लूक पाहून लोकांनी तिची तुलना अभिनेत्री प्रियांका चोप्रासोबत केली आहे.
मिंट ग्रीन गाऊनमध्ये नमिता
नमिता थापरने बुधवारी कान्सच्या रेड कार्पेटवर लेबनीज फॅशन डिझायनर एलिओ अबू फैसल यांनी डिझाइन केलेला ड्रेस परिधान केला. नमिता लेग स्लिट आणि लांब ट्रेन असलेला मिंट ग्रीन गाऊन घालून कान्समध्ये पोहोचली होती. नमिताने तिच्या सोशल मीडिया हँडलवर कान्सचे काही फोटो शेअर केले आहेत.
नमिताच्या या फोटोंना तिच्या चाहत्यांकडून पसंती मिळत आहे. अनेकांनी तिची तुलना प्रियांका चोप्राशी केली आहे. ‘शार्क टँक’ ते ‘कान्स’मध्ये जाणारी नमिता दुसरी जज आहे. याआधी अमन गुप्ता पत्नीसह कान्सला उपस्थित होता.
जेव्हा नमिताला ‘कान्स 2024’ बद्दल विचारण्यात आले, तेव्हा नमिता थापर म्हणाली की, ‘खूपच अप्रतिम वाटतंय, वातावरण बघा, चित्रपट आहेत, संगीत आहे. येथे खूप छान वाटत आहे. मी त्याचा खूप आनंद घेत आहे.
नमिताला तिच्या ड्रेसबद्दल विचारले असता ती म्हणाली, ‘मला हा रंग खूप आवडतो, कारण तो खूप वेगळा आहे. हा असा रंग आहे जो मी यापूर्वी कधीही परिधान केलेला नाही. मला आशा आहे की मी लांब ट्रेन हाताळू शकेन, पण मला मजा येत आहे. मी प्रार्थना करतो की मी रेड कार्पेटवर या गाऊनमध्ये घसरू नये.’
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
.jpeg)
Comment List