लोकसभा निवडणुकीदरम्यान मोफत रेशनवरून राजकारण तापले आहे. मल्लिकार्जुन खरगे यांच्यानंतर आता भाजपच्या मोफन रेशनवरून बहुजन समाज पार्टीच्या अध्यक्ष मायावती यांनी भाजपवर निशाणा साधला आहे. त्यांनी सोशल मीडिया साईट एक्सवर मोफत रेशनवरून भाजपवर टीका केली आहे. सरकार गरीबांना थोडं मोफत रेशन देऊन उपकार करत नाही, तर ते जनतेनेच सरकारला दिलेले टॅक्सचे पैसे आहेत अशी प्रतिक्रिया मायावती यांनी दिली.
यासंदर्भात मायावती यांनी आज सोशल मीडिया साईट एक्सवर पोस्ट शेअर केली आहे. त्यात त्यांनी लिहीले की, ”देशातील वाढती महागाई, गरीबी, बेरोजगारी, मागासलेपणा या शापापासून लोकांना मुक्त करणे तर दूर मात्र ते रोखण्यातही सरकार अपयशी ठरले होते. त्यांना रोखण्यात अपयशी आल्याने भाजप आणि कंपनीचे लोक अल्प रेशन देऊन निवडणुकीत पैसे उकळत आहेत. जे योग्य नाही. कारण ते उपकार करत नाहीत. त्यांनी लोकांना थोडं मोफत रेशन देऊन उपकार केले नाही, तर ते फक्त जनतेने सरकारला दिलेले टॅक्सचे पैसे आहेत. त्याच्या मोबादल्यात मत मागून गरीबांची चेष्टा करणे अशोभनीय आहे. मी हे प्रत्येक जाहीर सभेत बोलते. तरीही लोकांनी भाजपने प्रचार केलेल्या अशा बनावट व्हिडिओंकडे लक्ष देऊ नये”.
लोकसभा निवडणुकीच्या पार्श्वभूमीवर मोफत रेशनवरून राजकारण तापले आहे. पंतप्रधान नरेंद्र मोदींसह भाजपचे अनेक नेते देशातील 80 कोटी जनतेला मोफत रेशन देण्याची उपलब्धी म्हणून मांडत आहेत. तर काँग्रेसही आता दहा किलो मोफत रेशनची चर्चा करत आहे. काँग्रेसच्या अध्यक्षांनी लखनऊमध्ये अखिलेश यादव यांच्यासोबत घेतलेल्या संयुक्त पत्रकार परिषदेत हा दावा केला. काँग्रेस सत्तेवर आल्यास दहा किलो रेशन जनतेला देऊ, असे सांगितले.
.jpeg)
.jpeg)
Comment List