“…तर बाहेरून पाठिंबा देऊ”, पाचव्या टप्प्यातील मतदानापूर्वी ममता बॅनर्जींचा सूर बदलला

लोकसभा निवडणुकीच्या पाचव्या टप्प्यासाठी 20 मे रोजी मतदान होणार आहे. तत्पूर्वी पश्चिम बंगालच्या मुख्यमंत्री आणि तृणमूल काँग्रेसच्या अध्यक्षा ममता बॅनर्जी यांनी मोठी घोषणा केली आहे. केंद्रामध्ये ‘इंडिया’ आघाडीचे सरकार बनल्यास आपण बाहेरून पाठिंबा देऊ, असे ममता बॅनर्जी यांनी म्हटले आहे.

विशेष म्हणजे पश्चिम बंगालमध्ये Mamata Banerjee लोकसभेच्या सर्व जागा स्वबळावर लढत आहे. काँग्रेससोबत जागावाटपामध्ये मतभेद निर्माण झाल्याने ममता बॅनर्जी यांनी स्वबळाचा नारा दिला होता. त्यानंतर काही दिवसांपूर्वीच त्यांनी पश्चिम बंगालमध्ये तृणमूल काँग्रेसची इंडिया आघाडीतील कोणत्याही घटकपक्षाशी आघाडी नसल्याचे म्हटले होते. मात्र आता त्यांचा सूर बदलला असून केंद्रात ‘इंडिया’ आघाडीचे सरकार आल्यास आपण बाहेरून पाठिंबा देऊ असे त्यांनी म्हटले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.