पश्चिम बंगालच्या राज्यपालांविरुद्ध लैंगिक छळाची आणखी एक तक्रार

पश्चिम बंगालचे राज्यपाल सीव्ही आनंद बोस यांच्यावर लैंगिक छळाचा आणखी एक आरोप झाला आहे. एका ओडिसी नृत्यांगनेने दिल्लीतील एका पंचतारांकित हॉटेलमध्ये लैंगिक छळ केल्याचा आरोप त्यांच्यावर केला आहे. ऑक्टोबर 2023 मध्ये तिने ही तक्रार केली होती.

बंगाल पोलिसांनी गेल्या आठवडयात राज्य सरकारला तपास अहवाल सादर केला. ही बाब 14 मे रोजी उघडकीस आली. ओडिसी नर्तकीने तिच्या तक्रारीत म्हटले आहे की, ती राज्यपालांकडे परदेशी प्रवासाशी संबंधित समस्यांबाबत मदत मागण्यासाठी गेली होती. सीसीटीव्ही फुटेजमध्ये हॉटेलमध्ये राज्यपालांच्या प्रवेशाची आणि बाहेर पडण्याची वेळ आणि महिलेने तिच्या तक्रारीत नमूद केलेली वेळ सारखीच असल्याचा दावा तपास अहवालात करण्यात आला आहे.

पेन ड्राईव्ह आणि व्हिडीओ!

मुख्यमंत्री ममता बॅनर्जी यांनी हावडा येथे एका सभेत सांगितले की, राज्यपाल आनंद बोस यांच्याबद्दल सर्व काही अद्याप उघड झालेले नाही. आणखी एक व्हिडिओ आणि पेन ड्राइव्ह आहे. मला आता राजभवनात बोलावले तर मी जाणार नाही. राज्यपालांना माझ्याशी बोलायचे असेल तर ते मला रस्त्यावर बोलावू शकतात. मी त्यांना तिथे भेटेन. त्यांच्या जवळ बसणे देखील आता पाप आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.