‘26/11’च्या हल्ल्यातील सूत्रधार पाकिस्तानात अद्यापही मोकाट; उज्ज्वल निकम यांच्या वक्तव्याचा निषेध

कसाबला फाशी दिली गेली त्यावेळी केंद्रात आणि राज्यात काँग्रेसचे सरकार होते हे उज्ज्वल निकम विसरले आहेत. कसाबच्या विरोधातील वकील म्हणून निकम यांची नियुक्ती काँग्रेस सरकारने केली होती. हे निकम सांगत नाहीत. हा खटला अजूनही प्रलंबित आहे. ‘26/11’च्या हल्ल्यातील सूत्रधार पाकिस्तानात अद्यापही मोकाट आहे. हे भाजपचे अपयश आहे, अशा शब्दांत काँग्रेसचे प्रवक्ते सचिन सावंत यांनी हल्लाबोल केला.

मुंबईवरील हल्ल्यात पाकिस्तानचा हात असल्याचे उपमुख्यमंत्री देवेंद्र फडणवीस यांच्यामुळेच सिद्ध करू शकलो, असे वक्तव्य भाजपचे उमेदवार अॅड. उज्ज्वल निकम यांनी केले आहे. या वक्तव्याचा सचिन सावंत यांनी निषेध केला. 21 नोव्हेंबर 2012 ला कसाबला फाशी दिली गेली त्यावेळी पेंद्रात आणि राज्यात काँग्रेसचे सरकार होते हे निकम विसरले असतील. त्यांची कसाबविरोधात नियुक्ती काँग्रेसच्या सरकारने केली होती हे निकम सांगत नाहीत, पण निकम यांचे काwशल्य कमी पडल्यानेच कसाबबरोबर दोषी असलेले फहीम अन्सारी व सबाउद्दीन शेख हे दोन आरोपी सुटले. ही वस्तुस्थितीही निकम यांनी सांगितली पाहिजे. पाकिस्तानात अजूनही ‘26/11’चे सूत्रधार मोकाट आहेत असे भारत सरकारने युनोमध्ये सांगितले हे भाजपचे अपयश आहे, अशा शब्दांत सचिन सावंत यांनी निकम यांचा समाचार घेतला.