शहापुरात अवकाळीच्या तडाख्याने 100 घरांची पडझड

शहापूर तालुक्यात आज सलग दुसऱया दिवशीही अवकाळी पावसाने चांगलाच तडाखा दिला. वाऱयासह कोसळलेल्या पावसाने तालुक्यातील 100 घरांची पडझड झाल्याने अनेक कुटुंबांचा संसार उघडय़ावर आला आहे. तसेच वीज पडून चार बकऱयांचा मृत्यू झाला आहे. तालुक्यातील आवाळे ग्रामपंचायतीमधील जांभुळपाडा येथे चांदनी त्रिंबक भांगरे यांच्या चार बकऱयांचा वीज पडून मृत्यू झाला आहे, तर दत्ता मोरे, सुरेखा वेखंडे, दत्तू भला, भालचंद्र भगत, पांडुरंग भस्मा, रंजना घाटाळ, केशव पोकळा, रामदास आगिवले, भाऊ दरोडा, बाळू वाघ, अतुल कापटे, बबन तातले यांसह अनेकांच्या घराचे नुकसान झाले. सलग चौथ्या दिवशी आज मोखाडय़ाला अवकाळीने झोडपले. या वादळी पावसासह गारपिटीमुळे काही भागात विद्युत पुरवठा खंडित झाला होता. या अवकाळीमुळे डोल्हारा, साखरवाडी, सावर्डे, भोवाडी गावांमधील जवळपास 65 घरांचे नुकसान झाले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.