दिल्ली, अहमदाबाद, जयपूरच्या शाळांना बॉम्बने उडविण्याच्या धमकीनंतर आता दिल्लीत रुग्णालयांमध्ये बॉम्बने उडविण्याच्या ईमेलद्वारा धमक्या मिळाल्या आहेत. तर या रुग्णालयांना दुसऱ्यांदा धमकी मिळाली असून पहिला ईमेल रविवारी दुपारी 3 वाजून 4 मिनीटांनी आला होता तर दुसरा मेल सोमवारी रात्री 12 वाजून 19 मिनीट वर मिळाली आहे.
मंगळवारी दिल्ली स्टेट कॅन्सर इन्स्टिट्यूटमध्ये ओपीडीमधील रुग्णांना सुरक्षा तपासणीसाठी बाहेर थांबवण्यात आले आहे. यावेळी तिहार तुरुंगाच्या महासंचालकांना एक मेलही पाठवण्यात आला आहे. खबरदारी म्हणून रूग्णालय परिसरातील संशयास्पद गोष्टींचा तपास करत आहेत. मिळालेल्या माहितीनुसार, रुग्णालयाला बॉम्बने उडविण्याची धमकी देणारा सोमवारी रात्री 12 वाजून 19 मिनीटांनी आली आहे. तर यावेळी दुसऱ्या ईमेल आयडीवरुन ही धमकी मिळालेली आहे.
मिळालेल्या माहितीनुसार, दिल्लीच्या दीप चंद बंधु रूग्णालय, जीटीबी रूग्णालय, दादा देव रुग्णालय, हेडगेवार रुग्णालय आदी रुग्णालयांना बॉम्बने उडविण्याची धमकीचा ईमेल मिळाला आहे. याप्रकरणी शोध मोहीम सुरु करण्यात आली आहे. दिल्ली अग्निशमन दलाने ही माहिती दिली. याआधी 12 मे रोजी अनेक रुग्णालयांमध्ये बॉम्बने उडविण्याची धमकी मिळाली होती. याबाबत रुग्णालयांना ईमेल आला होता.
.jpeg)
Comment List