लग्नाला यायचं…पण नियम पाळायचे हं! अनोखी निमंत्रण पत्रिका होतेय व्हायरल

लग्नसोहळ्यात पाहुण्यांना सन्मानपूर्वक निमंत्रित केले जाते. पाहुण्यांमुळे सोहळ्याचा आनंद द्विगुणित होतो. आलेल्या पाहुण्यांची लग्नात खास बडदास्त ठेवली जाते. मात्र एका जोडप्याने लग्नात येणाऱया पाहुण्यांसाठी खास नियमावली तयार केलेय. त्यातले नियम वाचून भलेभलेही चकित झाले आहेत.

लग्नातील पाहुण्यांना खास निमंत्रण पत्रिका पाठवली आहे. यात एक दोन नव्हे तर तब्बल 15 नियम घालून देण्यात आलेत. एकप्रकारची जणू तंबीच देण्यात आलेय. सोशल मीडियावर ही नियमांची पत्रिका जोरदार व्हायरल होत आहे. ती तयार करणाऱया जोडप्याचे नाव समजलेले नाही.

काही नियम याप्रमाणे-
 लग्न तुमचं नाही.
 फोटोग्राफरच्या मार्गात येऊ नका.
 लग्नकार्यात काळ्या किंवा सोनेरी रंगाचे कपडे परिधान करावे. लाल, निळ्या आणि सफेद रंगाचे कपडे अजिबात नको.
 सोहळ्यात खुर्च्यांची अदलाबदल करू नका. सीटिंग अरेंजमेंटमध्ये बदल करू नका. सीटिंग चार्जेस आम्ही काही कारणास्तव आकारले आहेत.
 तुम्ही लग्नात अहेराचे पैसे दिले नसतील, तर तुमच्याकडे जे काही आहे, ते तुमच्याकडेच ठेवा.
 ड्रिंक करताना संयम पाळा.
 बाहेरून दारू आणू नका. तसे करताना पकडला गेलात तर बाहेर काढले जाईल.
 लग्नात कोणतीही मोठी अनाऊंसमेंट होणार नाही.
 लग्नामध्ये संपूर्ण रात्रभर थांबू नये.
 लग्नाचे फोटो पोस्ट करणार असाल तर त्यासाठी कोणता हॅशटॅग द्यायचा हेदेखील सांगितले आहे.