बिहारचे माजी उपमुख्यमंत्री सुशील कु्मार मोदी यांचे निधन

भाजपचे ज्येष्ठ नेते आणि बिहारचे माजी उपमुख्यमंत्री सुशील कु्मार मोदी यांचे आज कर्परोगाने निधन झाले. ते 72 वर्षांचे होते. दिल्लीतील एम्स रुग्णालयात त्यांच्यावर उपचार सुरू होते; मात्र आज उपचारादरम्यान त्यांनी अखेरचा श्वास घेतला. सुशील कु्मार मोदी यांचे पार्थिव उद्या त्यांच्या पाटणा येथील निवासस्थानी अंत्यदर्शनासाठी ठेवण्यात येणार असून दुपारी त्यांच्यावर अंत्यसंस्कार करण्यात येणार असल्याची माहिती आहे.

एप्रिल महिन्यात त्यांना कर्करोगाचे निदान झाल्याची माहिती सुशील कु्मार मोदी यांनीच दिली होती. प्रपृतीच्या कारणामुळे यंदाची लोकसभा निवडणूक लढवणार नाही तसेच निवडणुकीत सक्रिय सहभाग घेणार नाही, असेही त्यांनी स्पष्ट केले होते. सुशील कु्मार मोदी हे बिहारमधील भाजपच्या ज्येष्ठ नेत्यांपैकी एक होते. बिहारच्या राजकारणात त्यांचा दबदबा होता. सक्रिय राजकारणात येण्यापूर्वी त्यांनी बरीच वर्षे विद्यार्थी राजकारणात काम केले. दरम्यान, बिहारचे उपमुख्यमंत्री सम्राट चौधरी यांनी एक्सवरून सुशील कु्मार मोदी यांच्या निधनाची माहिती दिली. त्यांच्या निधनामुळे बिहार भाजपचे कधीही भरून न येणारे नुकसान आहे. भावपूर्ण श्रद्धांजली अशी पोस्ट त्यांनी केली आहे.