भाजप नेते सुशील कुमार मोदी यांचे निधन

बिहारचे माजी उपमुख्यमंत्री आणि भाजप नेते सुशील कुमार मोदी यांचं कर्करोगाने निधन झालं आहे. ते 72 वर्षांचे होते. गेला काही काळ ते कर्करोगाशी झुंजत होते. सोमवारी त्यांची प्राणज्योत मालवली. बिहारचे सध्याचे उपमुख्यमंत्री सम्राट चौधरी यांनी मोदी यांच्या निधनाची माहिती दिली असून त्यांना श्रद्धांजली वाहिली आहे.

गेले सहा महिने सुशील कुमार मोदी हे कर्करोगाने ग्रस्त होते. त्यांनी स्वतःच याबाबतची माहिती 3 एप्रिल रोजी दिली होती. त्यांचा जन्म 5 जानेवारी 1952 रोजी बिहारची राजधानी पाटणा येथे झाला. त्यांच्या वडिलांचं नाव मोतीलाल मोदी होतं. त्यांच्या पश्चात पत्नी जेस्सी आणि दोन मुले असा परिवार आहे.

सुशील कुमार मोदी यांनी पाटणा येथील विज्ञान महाविद्यालयातून विज्ञान शाखेची पदवी घेतली होती. 1990मध्ये ते सर्वप्रथम बिहार विधानसभेत आमदार म्हणून निवडून आले होते. त्यानंतर 1995 आणि 2000 मध्येही ते आमदार म्हणून निवडून आले होते.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.