घाटकोपरमध्ये होर्डिंग कोसळलं; अनेक जण अडकल्याची भीती, 7 ते 8 जण जखमी

सोमवारी वादळी वाऱ्यासह आलेल्या मान्सून पूर्व पावसाने मुंबईला अक्षरशः झोडपून काढले. सोमवारी दुपारच्या सुमाराला अचानक आकाशात दाटून आलं आणि धुळीचं वादळ सगळीकडे पसरलं. वादळी वाऱ्यासह तुफान पाऊसही मुंबईच्या अनेक भागात कोसळला. दरम्यान, या वाऱ्यामुळे मुंबईतील घाटकोपर येथील पेट्रोलपंपावरील होर्डिंग कोसळलं.

या होर्डिंगच्या खाली सुमारे 150 ते 200 जण अडकल्याची भीती वर्तवण्यात येत आहे. या दुर्घटनेत 7 जण जखमी झाले असून त्यांना उपचारांसाठी राजावाडी रुग्णालयात दाखल करण्यात आलं आहे. जखमींचा आकडा आणखी वाढण्याची शक्यता आहे. या घटनेची माहिती मिळताच अग्निशमन दल आणि पोलिसांनी घटनास्थळी धाव घेतली असून मदतकार्य युद्धपातळीवर सुरू करण्यात आलं आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.