जय बद्री विशाल

10 मे रोजी केदारनाथ, गंगोत्री, यमुनोत्रीचे दरवाजे खुले होऊन उत्तराखंडची चारधाम यात्रा सुरू झाली. त्यानंतर आज बद्रीनाथचे दरवाजे भाविकांसाठी खुले झाले. पहिल्या दिवशी 20 हजारांहून अधिक भाविक बद्रीनाथाच्या दर्शनाला आले.

वैदिक मंत्रोच्चार आणि श्री बद्रीविशाल लाल की जयच्या घोषणांनी बद्रीनाथ धामचे दरवाजे उघडण्यात आले. यावेळी 20 हजारांहून अधिक भाविक उपस्थित होते. याआधी ब्रह्ममुहूर्तावर मंदिराबाहेर गणेशपूजा केली गेली. यानंतर पुजाऱयांनी द्वारपूजन केले. मंदिराचा दरवाजा तीन चावीने उघडण्यात आला. गेल्या वर्षी 14 नोव्हेंबरला मंदिराचे दरवाजे बंद करण्यात आले होते.

सुमारे 20 क्विंटल फुलांनी मंदिराची सजावट करण्यात आली आहे. 11 मेच्या रात्रीपासून हलका पाऊस सुरू झाला. यापूर्वी हवामान खात्याने 11 ते 13 मेदरम्यान पाऊस आणि हिमवृष्टीचा इशारा दिला होता.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.