सावधान! ‘शूगर फ्री’च्या पॅकींगवरील लेबल फसवे

शरीरातील साखर नियंत्रणात राहावी यासाठी, अनेकजण शूगर फ्री उत्पादने खरेदी करतात. पण,  या उत्पादनांचे सेवन करणेही शरीरासाठी घातक ठरू शकते. कारण, या उत्पादनांत फॅट असू शकते असे आयसीएमआर अर्थात इंडियन काऊन्सिल ऑफ मेडिकल रिसर्चने म्हटले आहे. ज्या उत्पादनांवर पॅकींगवर शुगर फ्री असा दावा केलेला असतो. परंतु, पॅकींगवरील माहिती नीट वाचून घेतली पाहिजे, जेणेकरून आपल्या आरोग्यासाठी उत्तम उत्पादने खरेदी करता येतील असेही आयसीएमआरने म्हटले आहे.

शुगर फ्री उत्पादनांमध्ये फॅटचे प्रमाण अधिक असू शकते तर पॅक फ्रूट ज्यूसमध्ये 10 टक्के फ्रूट पल्प असतो. शुगर फ्री असल्याचा दावा करणारी उत्पादने आकर्षक पॅकाRगमध्ये दिली जातात. मात्र, अशी उत्पादने ग्राहकांना केवळ आकर्षित करतात. त्यांच्या पॅकाRगवर दिलेली माहिती अनेकदा भ्रामक असू शकते असा इशाराही आयसीएमआरने दिला आहे.

पॅकींगवर नैसर्गिक असा शब्द जाणुनबूजन लिहिला जातो. परंतु, हा शब्द भ्रामक असून प्रत्यक्षात उत्पादनात एक किंवा दोनच नैसर्गिक घटक असतात असा दावा हैदराबाद स्थित नॅशनल इन्स्टिटय़ूट ऑफ न्यूट्रिशनने केला आहे.

नॅशनल इन्स्टिटय़ूट ऑफ न्यूट्रिशनने म्हटले आहे की, फूड सेफ्टी अँड स्टँडर्ड अथॉरिटी ऑफ इंडियाच्या मानकांनुसार उत्पादनात 10 टक्के फळांचा रस असेल तरच उत्पादनांवर नैसर्गिक असे लिहिले जाऊ शकते.