ज्येष्ठ अभिनेते सतीश जोशी यांचे निधन

मराठी मालिकाविश्वातून लोकप्रिय झालेले ज्येष्ठ अभिनेते सतीश जोशी यांचं निधन झालं आहे. रंगभूमीवरच त्यांनी आपला अखेरचा श्वास घेतला. सृजन द क्रिएशन या संस्थेच्या चौथ्या वर्धापन दिनानिमित्त आयोजित कार्यक्रमात सतीश जोशी सहभागी झाले होते. कार्यक्रम सुरू असतानाच स्टेजवर कोसळून त्यांचं निधन झालं.

जोशी यांचे मित्र राजेश देशपांडे यांनी सोशल मीडियावर त्यांच्या निधनाविषयीची पोस्ट शेअर केली आहे. आमचे ज्येष्ठ मित्र अभिनेते सतीश जोशी यांचे आज रंगोत्सवात स्टेजवरच दुःखद निधन झाले. जाण्यापूर्वीही ते अभिनय करत होते, असं देशपांडे यांनी त्यांच्या पोस्टमध्ये म्हटलं आहे.

झी मराठी वाहिनीवरील भाग्यलक्ष्मी ही त्यांची गाजलेली मालिका. अनेक मालिकांमधून त्यांच्या वडिलांच्या भूमिका विशेष गाजल्या. त्यांच्या निधनामुळे मराठी मनोरंजन विश्वावर शोककळा पसरली आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.