माजी नगरसेविका वृषाली नकाशे यांचे निधन

शिवसेनेच्या माजी नगरसेविका वृषाली नकाशे यांचे काल पहाटे हृदयविकाराच्या झटक्याने निधन झाले. त्यांच्या पश्चात पती, एक मुलगी व दोन मुलगे असा परिवार आहे. शिवसेनेचे राजापूर- लांजा-साखरपा मतदारसंघाचे विधानसभा संपर्कप्रमुख अॅड. चंद्रप्रकाश नकाशे यांच्या त्या पत्नी होत. त्यांच्या जाण्यामुळे स्थानिक जनतेत हळहळ व्यक्त होत आहे.

सध्या सुरू असलेल्या लोकसभा निवडणुकीच्या प्रचारात वृषाली नकाशे यांनी स्वतःला झोकून देऊन जोगेश्वरी पूर्व विभाग पिंजून काढला होता. वैश्य सहकारी बँकेच्या त्या संचालिका होत्या. त्यांच्या निधनाचे वृत्त समजताच शिवसेना नेते-खासदार विनायक राऊत, शिवसेना नेते -आमदार अॅड. अनिल परब, शिवसेना नेते-आमदार सुनील प्रभू, उत्तर-पश्चिम लोकसभा मतदारसंघाचे उमेदवार अमोल कीर्तिकर यांनी निवासस्थानी भेट देऊन त्यांचे अंत्यदर्शन घेतले. सायंकाळी निघालेल्या अंत्ययात्रेत सर्वपक्षीय नेते, पदाधिकारी उपस्थित होते.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.