तुम्ही मला बोलावले नाही, मी इथे आलोय कारण…; राहुल गांधी यांनी सांगितला ईडी चौकशीचा किस्सा

उत्तर प्रदेशातील लखनऊमध्ये एका सभेत राहुल गांधी यांनी त्यांच्या सीबीआय आणि ईडी चौकशीबाबतचा अनुभव सांगितला. सीबीआय आणि ईडीने माझी 55 तास चौकशी केली. त्यावेळी आपण ईडी अधिकाऱ्यांना सांगितले की, तुम्ही मला बोलावले आहे, या भ्रमात राहू नका, तुम्ही मला बोलावले नाही, मी इथे आलोय कारण मला बघायचे आहे की, देशातील लोकशाहीचा गळा कोण घोटत आहे. त्यासाठी मी स्वतःहून येथे आलो आहे, असे आपण अधिकाऱ्यांना सांगितले, असेही राहुल गांधी म्हणाले.

चौकशीच्या वेळी मला लॉकअप दिसत होते. माझ्या मनात विचार आला की, माझे पणजोबा पंडित नेहरू अशाच लॉकअपमध्ये 12 वर्षे होते.मला 10 वर्षे तरी तेथील अनुभव मिळाला पाहिजे. मला त्यांनी कोणत्याही लॉतअपमध्ये पाठवू द्या, मला काहीही फरक पडणार नाही. मला देशातील जनतेसमोर सत्य मांडायचे आहे. आम्ही सत्य जनतेसमोर ठेवले तर देशातील राजकारण पूर्णपणे बदलेल, असा दावाही राहुल गांधी यांनी केला.

जून 2022 मध्ये राहुल गांधी यांची नॅशनल हेरॉल्डप्रकरणी काही दिवस ईडी आणि सीबीआयने चौकशी केली होती. त्यावेळचा अनुभव सांगत राहुल गांधी यांनी देशातील जनतेसमोर सत्य यायला हवे, असे म्हटले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.