चित्रपटांपासून दूर राहूनही सैफची पूर्व पत्नी करते भरपूर कमाई; मुंबईसह देहरादूनमध्येही प्रॉपर्टी

1983 मध्ये 'बेताब' या चित्रपटातून पदार्पण करणारी अभिनेत्री अमृता सिंहने बॉलिवूडचा 80-90 दशकाचा काळ गाजवला होता. अमृता आता चित्रपटांमध्ये फारशी झळकत नाही. मात्र असं असतानाही आज तिची संपत्ती बरीच आहे.

अमृता सिंहच्या आईचं नाव रुक्साना सुल्ताना असं आहे. त्या काँग्रेस पक्षाच्या नेत्या होत्या. अमृताची आई अत्यंत श्रीमंत कुटुंबातून होती, असं म्हटलं जातं. अभिनेता सैफ अली खानला घटस्फोट दिल्यानंतर अमृताला पोटगी म्हणून पाच कोटी रुपये मिळाले होते.

पाच कोटी रुपयांच्या पोटगीशिवाय तिला एक बंगलासुद्धा मिळाला होता. आता अमृता तिच्या दोन मुलांसह ज्या बंगल्यात राहते, त्याचीही किंमत कोट्यवधींमध्ये आहे. सारा अली खान आणि इब्राहिम अली खान ही अमृता आणि सैफ यांची मुलं आहेत.

सारा तिच्या एका चित्रपटासाठी जवळपास दोन ते तीन कोटी रुपये मानधन घेते. तर इब्राहिमसुद्धा फिल्म इंडस्ट्रीत काम करण्यासाठी सज्ज झाला आहे. अमृताने सारासाठी मुंबईतील एका उच्चभ्रू परिसरात ऑफिस खरेदी केलं होतं. त्याचीही किंमत लाखो-करोडोंमध्ये असल्याचं म्हटलं जातंय.

अमृता सिंहच्या मामाचं देहरादून याठिकाणी आलिशान घर आणि मोठी जमीन होती. त्यांना ते घर आणि ती जमीन विकायची होती. मात्र अमृताने त्याला विरोध केला. तिने ते घर आणि जमीन एका केअरटेकरला सांभाळायला दिलं आणि नंतर ते आपल्या नावे केलं. याविरोधात मावशीने कोर्टात खटलासुद्धा दाखल केला होता. मात्र अमृताने हा खटला जिंकला आणि आता ती त्या 50 कोटींच्या संपत्तीची मालकीण आहे.

अमृताने मुंबईतही स्वत:चा फ्लॅट खरेदी केला होता. तिचा एक फार्महाऊससुद्धा आहे. घटस्फोटानंतर मुलगा आणि मुलगी 18 वर्षांची होईपर्यंत सैफने अमृताला दर महिन्याला एक-एक लाख रुपये दिले होते.