पश्चिम बंगाल सरकारला दिलासा, शिक्षक भरती रद्द करण्याच्या आदेशाला स्थगिती

तब्बल 25 हजार 753 शिक्षक आणि शिक्षकेतर कर्मचाऱयांची भरती रद्द करण्याच्या कोलकाता हायकोर्टाच्या आदेशाला आज सर्वोच्च न्यायालयाने स्थगिती दिली. त्याचबरोबर या प्रकरणी सीबीआय करत असलेला तपास पुढेही सुरू ठेवावा मात्र चौकशी दरम्यान उमेदवार किंवा नियुक्ती करण्यात आलेले शिक्षक व शिक्षकेतर कर्मचाऱयांना अटक तसेच कोणतीही कारवाई करू नये, असे निर्देशही न्यायालयाने दिले. सर्वोच्च न्यायालयाच्या या निर्णयामुळे पश्चिम बंगाल सरकारला मोठा दिलासा मिळाला आहे.

सरकारी नोकऱयांचा आधीच तुटवडा आहे, यातच जर घोटाळा झाला तर लोकांचा सरकारी नोकरभरतीवरील विश्वास उडेल, हीच प्रतिमा घेऊन तुम्ही पुढे कसे जाल? असा सवाल न्यायालयाने सरकारची बाजू मांडणाऱया वकिलांना केला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.