काँग्रेस तुमचे आरक्षण काढून घेणार आणि मुस्लिमांना देणार! मोदींचे अंबाजोगाईत कॉपीपेस्ट भाषण
शभरात वाहत असलेल्या विरोधी लाटेमुळे धास्तावलेल्या पंतप्रधान नरेंद्र मोदी यांनी अंबाजोगाईत पुन्हा एकदा काँग्रेस तुमचे आरक्षण काढून घेणार आणि ते मुस्लिमांना देणार असल्याचे कॉपीपेस्ट भाषण केले. मुंबईवर हल्ला करणाऱया अतिरेक्यांबद्दल काँग्रेसला उमाळा आला असून या हल्ल्यात शहीद झालेल्यांचा काँग्रेस अपमान करत असल्याचा आरोपही मोदींनी केला. महाराष्ट्रातील दुष्काळाला काँग्रेस जबाबदार असल्याचेही ते म्हणाले.
बीड लोकसभा मतदारसंघातील महायुतीच्या उमेदवार पंकजा मुंडे यांच्या प्रचारासाठी पंतप्रधान नरेंद्र मोदी यांची अंबाजोगाईत जाहीर सभा झाली. या सभेत मोदींनी चारशेपार, गॅरंटीबद्दल चकार शब्दही काढला नाही. भाषणाच्या सुरुवातीला त्यांनी भाजपचे दिवंगत नेते गोपीनाथ मुंडे यांच्या आठवणींना उजाळा दिला. काँग्रेस सत्तेत आल्यास कलम 370 पुन्हा आणले जाईल, नागरिकत्व कायदा रद्द करण्यात येईल, तीन तलाक कायदाही बासनात गुंडाळून ठेवण्यात येईल, किसान सन्मान योजना, मोफत धान्य योजना, वैद्यकीय उपचार आदी योजनाही गुंडाळल्या जातील. एवढेच काय काँग्रेस राम मंदिराबाबत सर्वोच्च न्यायालयाने दिलेला निकालही काँग्रेसवाले पलटणार आहेत. मतांच्या राजकारणासाठी काँग्रेस प्रभू श्रीराम आणि रामभक्तांचा पदोपदी अपमान करत आहे, असा आरोपही त्यांनी केला.
About The Author
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List