रत्नागिरी-सिंधुदुर्गात 1 वाजेपर्यंत 33.91 टक्के मतदान; कडक उन्हाचा मतदानावर परिणाम

रत्नागिरी-सिंधुदुर्ग लोकसभा मतदारसंघात 1942 मतदान केंद्रावर सकाळी 7 वाजल्यापासून मतदानाला सुरुवात झाली. दुपारी 1 वाजेपर्यंत या मतदारसंघात 33.91 टक्के मतदान झाले. उन्हाचा कडाका वाढल्याने अनेकांनी सकाळीच मतदान केले. वाढत्या उन्हामुळे दुपारी मतदारांची संख्या कमी झाली आहे.

रत्नागिरी-सिंधुदुर्ग लोकसभा मतदारसंघात 1942 मतदान केंद्रावर 14 लाख 51 हजार 630 मतदार आहेत. सकाळी 7 वाजल्यापासून मतदानाला शांततेत सुरूवात झाली. सकाळी 7 ते 9 वाजेपर्यंत 8.17 टक्के मतदान झाले होते. त्यानंतर 11 वाजेपर्यंत मतदानाची आकडेवारी 21.29 टक्क्यांवर पोहचली. दुपारी 1 वाजेपर्यंत 33.91 टक्के मतदान झाले. त्यामध्ये चिपळूण विधानसभा मतदारसंघात 37.09 टक्के,रत्नागिरी विधानसभा मतदारसंघात 28 टक्के,राजापूर विधानसभा मतदारसंघात 37.05 टक्के,कणकवली विधानसभा मतदारसंघात 31.59 टक्के,कुडाळ विधानसभा मतदारसंघात 32.88 टक्के,सावंतवाडी विधानसभा मतदारसंघात 36.65 टक्के मतदान झाले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.