सुनिधी चौहानवर कॉन्सर्टमध्ये बाटली फेकली, व्हिडीओ पाहून चाहते संतापले

बॉलीवूडची प्रसिद्ध गायिका सुनीधी चौहान सध्या चर्चेत आली आहे. सध्या तिचा एका लाईव्ह कॉन्सर्टमधील व्हिडीओ व्हायरल होत आहे. या व्हिडीओमध्ये कॉन्सर्ट सुरु असताना एकाने बाटली फेकल्याचे दिसत आहे. तो व्हिडीओ पाहून चाहते प्रचंड संतापले आहेत.

आपल्या सुरेल आवाजाने अनेकांची मनं जिंकणारी सुनिधी अनेक लाईव्ह कॉन्सर्ट करतानाही दिसली आहे. जिथे जगभरातून तिचे चाहते तिचा आवाज ऐकण्यासाठी येतात. मागच्या काही दिवसात सुनिधी एकामागोमाग एक लाईव्ह कॉन्सर्ट करताना दिसली आहे. शुक्रवारी देहरादूनमध्ये कॉलेजमध्ये कॉन्सर्ट सुरु होता. त्या दरम्यान गर्दीतून एकाने तिच्यावर बॉटल फेकली. यावर तिने बॉटल फेकणाऱ्यावर न रागावता मजेदार पद्धतीने उत्तर दिले. ती म्हणाली हे काय आहे? बॉटल फेकल्याने काय होणार आहे? शो थांबेल, तुम्हाला असे वाटते का की शो थांबावा? तिची ही प्रतिक्रिया ऐकून गर्दीतून चाहते नाही असे ओरडताना दिसत आहे.

या दरम्यान सुनिधी चौहानने स्पोर्ट जर्सी स्टाईलमध्ये मीडि ड्रेस, ग्लॅम मेकअप आणि मोकळ्या केसात दिसत आहे. या व्हिडीओमध्ये सोशल मीडियावर त्यांचे चाहते तिच्या पाठिंब्यासाठी उतरले आहेत. एका युजरने लिहीले, तिच्या कामाचा आदर आणि सन्मान करा. दुसऱ्या युजरने लिहीले की, ती एवढी पावरफुल आहे की अशाप्रकारच्या वस्तू फेकल्याने तिला काही फरक पडत नाही. तर अन्य एकाने लिहीले की, ज्याने कोणी हे असे केले त्याला तुरुंगात टाका आणि पुन्हा असे काही करणार नाही याची काळजी घ्या अशा विविध प्रतिक्रिया तिच्या चाहत्यांमधून येत आहेत.