बुलढाणा-अहमदपूर बसला लक्झरीची धडक; अपघातात एका महिलेचा मृत्यू, दोन जखमी

बुलढाणा ते अहमदपूर एस.टी. बसला मागुन येणाऱ्या लक्झरी बसने धडक दिली. या अपघातात बसमधील एका महिलेचा मृत्यू झाला असून दोनजण जखमी झाले आहेत. हा अपघात शनिवारी सकाळी 7 वाजण्याच्या सुमारस मेहकर चिखली रस्त्यावर नांद्रा फाट्याजवळ झाला.

बुलढाणा ते अहमदपूर बस मेहकरकडे येत असताना पाठीमागून येणाऱ्या लक्झरी बसने एस.टी.बसला धडक दिली. या अपघातात बसमधील अंजली गोपाल शर्मा (26,चिखली, जि.बुलढाणा) या महिलेचा मृत्यू झाला. बसमधील मुरलीधर नारायण इंगळे (67,बुलढाणा) आणि लक्झरीमधील महादेव गोपाल उबाळे (45,रिसोड,जि.वाशीम) जखमी झाले. मृत महिला परभणीला जात असल्याची माहिती मिळाली आहे. एस.टी.सहाय्यक कार्यशाळा अधिक्षक राहुल देशमाने, वाहतूक निरिक्षक समाधान जुमडे, लिपिक प्रविण तांगडे यांनी घटनास्थळी जाऊन पंचनामा केला. अपघातातील मृतांच्या नातेवाईकास दहा हजार तर जखमींना पाच हजार तातडीची मदत देण्यात आली. मेहकर पोलीस ठाण्याचे सहाय्यक फौजदार रमेश बाजड, हेड कॉन्स्टेबल शिवानंद केदार व कर्मचारी तात्काळ घटनास्थळी गेले व मदत केली. अपघाताचा पुढील तपास करण्यात येत आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.