भाजपच्या दिशाभूल करणाऱया जाहिरातबाजीची पोलखोल करणाऱया शिवसेनेच्या जाहिरातीमधील चरित्र कलाकाराची नाहक बदनामी करणाऱया भाजप नेत्या चित्रा वाघ यांनी दोन दिवसांत माफी मागावी, अन्यथा त्यांच्याविरोधात अब्रुनुकसानीचा दावा दाखल करणार असल्याचा इशारा अभिनेते प्याराली ऊर्फ राज नयानी यांनी दिला आहे. चित्रा वाघ यांच्या पत्रकार परिषदेमुळे आपली आणि आपल्या कुटुंबीयांची मानहानी झाल्याचेही त्यांनी म्हटले केले.
निवडणुकीच्या धामधुमीत भाजपने अनेक जाहिराती प्रसारित करून जनतेची दिशाभूल सुरू केली आहे. असे असताना या खोटारडय़ा जाहिरातींना शिवसेना (उद्धव बाळासाहेब ठाकरे) पक्षाकडून जाहिरातींमधूनच सडेतोड प्रत्युत्तर दिले जात आहे. ‘वॉर तो रुकवादी ना पापा…’ या जाहिरातीमध्ये भाजपने अनेक गोष्टींमध्ये जनतेची फसवणूक केल्याचे वडील आपल्या मुलीला समजावत असल्याचे दिसत आहे. भाजपने भ्रष्टाचाऱयांना पक्षात घेतले, काळे धन आणले नाही, महिलांवरील अत्याचार रोखले नाहीत, महागाई-बेरोजगारी रोखली नाही. देशाची सपशेल वाट लावली’, असे वडील आपल्या मुलीला सांगत असल्याचे दिसत आहेत. मात्र ती मुलगी ‘वॉर तो रुकवादी ना पापा…’ असे वांरवार सांगून भाजपचीच बाजू मांडत आहे. मात्र हीच मुलगी शेवटी ‘भाजपला मत तर तुम्हीच दिले ना पापा’ असा टोला लगावते. तेव्हा वडील खजील झाल्याचे दिसते. मात्र या जाहिरातीमध्ये वडिलांची भूमिका करणारे प्याराली ऊर्फ राज नयानी हे पॉर्न स्टार असल्याचा दावा करीत चित्रा वाघ यांनी शिवसेनेवर आरोप केले होते. याचा समाचार आज खुद्द अभिनेते राज नयानी यांनी एक व्हिडीओ प्रसारित करून घेतला आहे.
राजकीय फायद्यासाठी कलाकाराची बदनामी करू नका
मी मुंबईत राहणारा मध्यमवर्गीय सर्वसामान्य कुटुंबातील माणूस असून चरित्र कलाकार आहे. विविध शो, वेब सीरिज, बॉलीवूड चित्रपटात काम केले आहे. भूमिका साकारताना आम्ही पॅरेक्टरनुसार अभिनय करीत असतो. असे असताना चित्रा वाघ यांनी अचानक माझ्याबद्दल बदनामीकारक जाहीर वक्तव्य केल्याने धक्का बसल्याचे राज नयानी यांनी म्हटले आहे. यामुळे माझ्यासह माझ्या कुटुंबाची बदनामी झाली आहे. त्यामुळे परिवारही डिस्टर्ब झाला आहे. शिवाय माझे पॅरेक्टर, इमेज आणि पर्सनॅलिटीला धक्का बसला आहे. चित्रा वाघ यांनी राजकीय फायद्यासाठी कलाकारांची नाहक बदनामी करू नये, असा इशाराही त्यांनी दिला आहे.
.jpeg)
Comment List