अमित शहांच्या सभेचा फज्जा; गाजावाजा करूनही रत्नागिरीत खुर्च्या रिकाम्याच

रत्नागिरी-सिंधुदुर्ग लोकसभा मतदारसंघात महायुतीने आज केंद्रीय मंत्री अमित शहा यांच्या जाहीर सभेचा गाजावाजा केला होता. मात्र सभेला अपेक्षित प्रतिसाद न मिळाल्यामुळे महायुतीची डोकेदुखी वाढली आहे. महायुतीची सभा सुरू झाली तरी मंडपातील अनेक खुर्च्या रिकाम्या होत्या. या रिकाम्या खुर्च्या भरणे महायुतीपुढे एक आव्हान ठरले होते.

गोगटे जोगळेकर महाविद्यालयाच्या जवाहर मैदानावर दुपारी महायुतीच्या सभेला सुरुवात झाली. दुपारी तीन वाजता भाजपच्या महिला अध्यक्षा चित्रा वाघ भाषण करत असताना अनेक खुर्च्या रिकाम्या होत्या. त्यानंतर भाजप प्रदेशाध्यक्ष चंद्रकांत बावनकुळे यांनी भाषण केले. त्यांचे भाषण सुरू असतानाच पेंद्रीय मंत्री अमित शहा यांचे आगमन झाले. अमित शहा व्यासपीठावर आले तरी अनेक खुर्च्या रिकाम्याच होत्या. मंडपात तीन भाग होते. मधल्या भागातील सर्व खुर्च्या भरल्या होत्या. मात्र एका कोपऱयामध्ये काही खुर्च्या रिकाम्या होत्या.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.