याड लागलं! 45 दिवसांत मुंबईकराने 300 हून अधिक आईस्क्रिम केल्या फस्त

सध्या देशभरात उष्णतेमुळे नागरिकांचे प्रचंड हाल होत आहेत. दिवसागणिक तापमानात वाढ होत असल्याचे चित्र असून शासनाकडून वारंवार तशा सुचना सुद्धा दिल्या जात आहेत. असे असले तरी नागरिकांना विविध कारणांमुळे घराबाहेर पडावचं लागत. त्यामुळे उन्हाच्या तडाक्यापासून वाचण्यासाठी विविध क्लृप्त्या आजमावल्या जातात. उन्हाळ्याच्या दिवसांमध्ये विशेष करुन आईस्क्रिम आणि विविध कोल्ड्रींक्सला मोठी मागणी असले. मात्र नुकत्याच Swiggy ने प्रसिद्ध केलेल्या रिपोर्टनुसार आईस्क्रिमच्या मागणीमध्ये गेल्या वर्षीच्या तुलनेत या वर्षी चांगली वाढ झाली आहे.

Swiggy ने प्रसिद्ध केलेल्या रिपोर्टनुसार आईस्क्रिमच्या मागणीत गेल्या वर्षीच्या (2023) तुलनेत या वर्षी (2024) 16 टक्के वाढ झाली आहे. 1 मार्च ते 15 एप्रिल या कालावधीत संध्याकाळी 7 ते मध्यरात्री पर्यंत सर्वाधिक आईस्क्रिमच्या ऑर्डर आल्या आहेत. विशेष करुन या वेळेमध्ये 6.9 लाखांहून अधिक आईस्क्रिमच्या ऑर्डर ग्राहाकांनी केल्या आहेत. तसेच सकाळी 7 ते 11 या वेळेत सुद्धा 80,000 आईस्क्रिमच्या ऑर्डर स्विगीने दिल्या. सर्वाधिक आईस्क्रिमच्या ऑर्डर देण्यामध्ये बंगळुरु शहराने पहिला क्रमांक पटकवल्याचे स्विगीच्या रिपोर्टमध्ये सिद्ध झाले आहे.

वाढत्या उष्णतेचा मुंबईला सुद्धा चांगलाच फटका बसला आहे. मात्र ऊन, वारा आणि पाऊस कसाही असो मुंबईकर कधीही थांबत नाही. याचाच प्रत्यय स्विगीच्या रिपोर्टमध्ये आल्याचे चित्र आहे. कारण मुंबईच्या एका व्यक्तीने स्विगीवरून 45 दिवसांत 300 हून अधिक आईस्क्रिमच्या ऑर्डर करत आईस्क्रिमचा मनमुराद आनंद लुटला आहे.