ठाण्यातील मिंधे गटाचे उमेदवार नरेश म्हस्के यांच्या मिरवणूकीत गुंडांची गुंडगिरी पाहायला मिळाली. उमेदवारी अर्ज भरल्यानंतर काढलेल्या रॅलीत सहभागी झालेल्या गुंडांच्या दोन टोळीमध्ये जोरदारा राडा झाला. भररस्त्त्यात दोन गटातील गुंड एकमेकांना भिडले. या घटनेचा व्हिडीओ सोशल मीडियावर व्हायरल झाला असून सामान्य जनतेने देखील ठाण्यातील कायदा व सुव्यवस्थेबाबत प्रश्न उपस्थित केले आहेत. जिथे उमेदवाराच्याच रॅलीत अशाप्रकारे हाणामारी होऊ शकते तिथे महाराष्ट्रातील सामान्य जनता तरी सुरक्षित कशी राहणार असा सवाल सामान्य जनतेकडून केला जात आहे. दरम्यान हे दोन्ही गुंड मुख्यमंत्र्यांच्या जवळचे असल्याने या प्रकरणी अद्याप कोणताही गुन्हा दाखल करण्यात आलेला नाही.
ठाण्यातील मिंधे गटाचे उमेदवार नरेश म्हस्के यांनी शुक्रवारी उमेदवारी अर्ज दाखल केला. या मिरवणुकीत काही दिवसांपूर्वी मिंधे गटात प्रवेश केलेले अजय पासी आणि युट्यूब भाई म्हणून कुप्रसिद्ध असलेला सिद्धू अभंगे हे देखील आपल्या साथीदारांसह सहभागी झाले होते. हे दोन्ही गुंड मुख्यमंत्र्यांच्या मतदारसंघातील कोपरी परिसरातच रहात असून वर्चस्वासाठी या दोन्ही टोळ्यांमध्ये कित्येक वर्षांपासून वैमनस्य आहे. या टोळ्यांमधून विस्तव जात नाही. आजची मिरवणूक बाजारपेठेतील मराठी ग्रंथ संग्रहालयासमोर आली असतानाच दोन्ही टोळ्यांचे म्होरके एकमेकांसमोर आले. त्यानंतर या दोन्ही टोळ्यांमध्ये चक्क पोलिसांसमोरच जोरदार हाणामारी झाली. अखेर पोलिसांनी मध्यस्थी करीत या गुंडांची पांगापांग केली. दरम्यान सिद्धू अभंगे आणि अजय पासी यांच्यावर हाणामारी, अंमली पदार्थ बाळगणे, खंडणी, अवैध पद्धतीने शस्त्र बाळगणे यासारखे गंभीर गुन्हे आहेत.
.jpeg)
.jpeg)
Comment List