‘ये रिश्ता क्या कहलाता है’ या मालिकेतून घराघरात पोहोचलेली अभिनेत्री शिवांगी जोशीने ‘बरसातें’ या मालिकेत अभिनेता कुशल टंडनसोबत काम केलं. या मालिकेत दोघांची ऑनस्क्रीन केमिस्ट्री तर हिट ठरली. पण त्याचसोबत खऱ्या आयुष्यातही शिवांनी आणि कुशल एकमेकांना डेट करत असल्याच्या चर्चांना उधाण आलं आहे. इतकंच नव्हे तर हे दोघं लवकरच साखरपुडा करणार असल्याचंही म्हटलं जात आहे. या चर्चांवर आता शिवांगी आणि कुशलने प्रतिक्रिया दिली आहे. दोघांनीही या चर्चांमध्ये तथ्य नसल्याचं म्हटलंय.
कुशलसोबत साखरपुड्याच्या चर्चांदरम्यान शिवांगीने इन्स्टाग्राम स्टोरीमध्ये एक पोस्ट लिहिली आहे. यामध्ये तिने लिहिलंय, ‘मला अफवा आवडतात. मला माझ्याविषयी ज्या रंजक गोष्टी माहीत नाहीत, त्या मला या अफवांमधून ऐकायला मिळतात.’ शिवांगीने यात थेट कोणाचंही नाव घेतलं नाही. तर दुसरीकडे कुशलने त्याच्या पोस्टद्वारे या चर्चांना नाकारलं आहे. त्याने यात त्याच्या साखरपुड्याचाही उल्लेख केला आहे.
कुशलने त्याच्या इन्स्टाग्राम स्टोरीमध्ये लिहिलं, ‘मला एक गोष्ट सांगा की माझा साखरपुडा होतोय आणि त्याबद्दल मलाच माहीत नाही? मी इथे थायलंडमध्ये मार्शिअल आर्ट्स शिकतोय. तुम्ही माझ्यासोबत असं कसं करू शकता? किंमान आधी बातमीचे तथ्य तरी तपासा. तुमचे सूत्र कोण आहेत?’ या पोस्टसोबतच त्याने मार्शियल आर्ट्स शिकतानाचा फोटोसुद्धा पोस्ट केला आहे.
शिवांगी जोशी आणि कुशल टंडन यांच्या मुख्य भूमिका असलेली ‘बरसातें’ ही मालिका गेल्या वर्षी जुलै महिन्यात सुरू झाली होती. त्यानंतर या वर्षी फेब्रुवारी महिन्यात या मालिकेनं प्रेक्षकांचा निरोप घेतला. शिवांगी आणि कुशलच्या वयात 14 वर्षांचं अंतर आहे. शिवांगी 25 वर्षांची तर कुशल 39 वर्षांचा आहे. मालिकेत एकत्र काम करताना दोघांमध्ये चांगली मैत्री झाली. त्यांची ही केमिस्ट्री ऑफस्क्रीनसुद्धा झळकायची, म्हणून त्यांच्या डेटिंगच्या चर्चांना उधाण आलं आहे.
याआधी शिवांगीचं नाव ‘बालिका वधू 2’मधील सहअभिनेता रणदीप रायशी जोडलं गेलं होतं. 2022 मध्ये शिवांगीने या चर्चांना फेटाळलं होतं. रणदीप हा माझा चांगला मित्र आहे, असं तिने स्पष्ट केलं होतं. तर दुसरीकडे कुशल हा अभिनेत्री गौहर खानला डेट करत होता. बिग बॉसच्या घरात स्पर्धक म्हणून सहभागी झाल्यानंतर दोघं एकमेकांच्या प्रेमात पडले. मात्र वर्षभरातच त्यांचं नातं संपुष्टात आलं. 2014 मध्ये त्यांनी ब्रेकअप केला.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
.jpeg)
Comment List