दिल्ली उच्च न्यायालयाने बलात्काराशी संबंधित एका प्रकरणावर सुनावणी करताना महत्वाची टिप्पणी केली आहे. दोन प्रौढ व्यक्तींमध्ये परस्पर संमतीने झालेले शारीरिक संबंध म्हणजे बलात्कार नव्हे. असे सांगत एका तरुणाला बलात्कार प्रकरणात जामीन देण्यात आला आहे. या दरम्यान न्यायलयाने हेही अधोरेखित केले की, लैंगिक गुन्ह्यांशी संबंधित खोट्या केसेसमुळे आरोपीची प्रतिमा मलिन होते. न्यायमूर्ती अमित महाजन यांनी या प्रकरणावर सुनावणी केली.
लाईव्ह लॉच्या वृत्तानुसार, समाज मान्यतेनुसार लग्न झाल्यानंतर शारीरिक संबंध ठेवणे एक आदर्श मानला जातो. मात्र दोन प्रौढ व्यक्तींमध्ये परस्पर झालेले संबंध बलात्कार ठरु शकत नाही. मग वैवाहिक स्थिती काहीही असो. लैंगिक गुन्ह्यांची खोटी प्रकरणे आरोपींची प्रतिमा मलिन करतात आणि खऱ्या खटल्यांची विश्वासार्हताही नष्ट करतात, असे न्यायालयाने म्हटले आहे. न्यायालयाने बलात्कार प्रकरणात आरोपी तरुणाला जामीन देण्यात आला आहे. अहवालानुसार, महिलेने आरोप लावले आहेत की, तरुणाने लग्नाचे आमिष दाखवून अनेकदा बळजबरीने शारीरिक संबंध ठेवले. महिलेने आरोप केले की, आरोपी विवाहीत असून त्याला 2 मुलं आहेत. महिलेने दावा केला की, तरुण तिच्याकडून भेटवस्तू मागायचा आणि तिने त्याला 1.5 लाखाची रोख रक्कमही दिली होती. न्यायालयाने सांगितले की, तरुणी या घटनेवेळी अल्पवयीन होती. तसेच, जामीन देताना, लग्नाच्या आश्वासनावर तिची संमती प्रभावित झाली होती, हे सिद्ध करता आले नाही, असेही सांगितले. न्यायालयाने हा तपासाचा विषय मानला आहे.
अहवालानुसार, न्यायालयाने सांगितले की, खरंतर पिडीता तक्रार दाखल करण्याआधी त्या तरुणाला भेटत होती आणि तो विवाहीत असल्याचे कळल्यानंतरही तिने त्याच्याशी शारीरिक संबंध ठेवले होते. न्यायालयाने म्हटले, आरोपी तरुणाच्या जामिनावर विचार करताना कोणत्याही निष्कर्षापर्यंत पोहोचणे न्यायालयाला शक्यही नाही आणि योग्यही नाही. पुराव्याचे मूल्यमापन केल्यानंतर यावर योग्य निर्णय देता येईल असे न्यायालयाने म्हंटले आहे.
.jpeg)
Comment List