महिलाप्रधान चित्रपटांना मराठी प्रेक्षकांची चांगली पसंती मिळतेय हे पुन्हा एकदा सिद्ध झाले आहे. ‘बाईपण भारी देवा’, ‘झिम्मा 2’नंतर आता नुकत्याच प्रदर्शित झालेल्या ‘नाच गं घुमा’ या चित्रपटाने तिकीटबारीवर धुमाकूळ घातलाय. पहिल्याच दिवशी या चित्रपटाने 2.13 कोटींचा गल्ला जमवला आहे. ‘नाच गं घुमा’ हा बहुप्रतीक्षित चित्रपट 1 मे रोजी प्रदर्शित झाला असून या चित्रपटाने प्रदर्शनाआधीच ‘बुक माय शो’वर 20 हजार तिकिटांच्या बुकिंगचा विक्रम नोंदविला होता. मुंबई, पुणे, ठाणे, नवी मुंबईसह नाशिक, नागपूर, पिंपरी-चिंचवड या पेंद्रांवरही चित्रपटाच्या बुकिंगला तुफान प्रतिसाद मिळाला. खासकरून महिला प्रेक्षकांमध्ये या चित्रपटाची प्रचंड व्रेझ असून महिलांच्या अनेक ग्रुपनी चित्रपटाचे संपूर्ण शो आरक्षित केले आहेत. त्यामुळे विकेण्डला कलेक्शनमध्ये मोठी वाढ होईल. परेश मोकाशी दिग्दर्शित या चित्रपटात मुक्ता बर्वे, नम्रता संभेराव, सुकन्या कुलकर्णी, सुप्रिया पाठारे, सारंग साठे, मधुगंधा कुलकर्णी, शर्मिष्ठा राऊत आणि बालकलाकार मायरा वायकुळ यांच्या महत्त्वाच्या भूमिका आहेत.
.jpeg)
.jpeg)
Comment List