गुरुचरण सिंह बेपत्ता, 11 दिवसांनंतर मोठी अपडेट समोर, पोलीस करणार असं काम

‘तारक मेहता का उल्टा चष्मा’ मालिकेतील अभिनेता गुरुचरण सिंग गेल्या 11 दिवसांपासून बेपत्ता आहे. गुरुचरण सिंह मालिकेत रोशन सिंग सोढी भूमिका साकारत होता. पण काही वाद झाल्यामुळे अभिनेत्याने मालिकेचा देखील निरोप घेतला. आता अभिनेता दिल्ली येथून गायब आहे. याप्रकरणी पोलिसांनी अपहरण झाल्याची तक्रार दाखल केली आहे. दरम्यान, याप्रकरणी एक मोठी माहिती समोर येत आहे. या संदर्भात दिल्ली पोलिसांची एक टीम आता मुंबईत पोहोचली असून लवकरच मुंबई पोलिसांसह दिल्ली पोलिसांची ही टीम गुरुचरण सिंग याच्या मित्रांची आणि ‘तारक मेहता का उल्टा चष्मा’च्या स्टार कास्टची चौकशी करणार आहेत.

मिळालेल्या माहितीनुसार, पोलीस सर्वातआधी गुरुचरण सिंग याच्या मुंबईत मलाड याठिकाणी असलेल्या घराचा चौकशी करणार आहेत. शिवाय अभिनेताच्या शेजारी राहत असलेल्यांची देखील चौकशी होणार आहे. याप्रकरणी पोलीस भक्ती सोनी यांची देखील चौकशी करणार आहेत. अभिनेत्याच्या फोनची देखील चौकशी सुरु आहे.

मात्र दिल्ली किंवा मुंबई पोलिसांनी आणि गुरुचरण यांच्या निकटवर्तीयांकडून याबाबत कोणतीही पुष्टी करण्यात आलेली नाही. सध्या सर्वत्र गुरुचरण सिंह याची चर्चा सुरु आहे. सर्वात महत्त्वाची गोष्ट म्हणजे गेल्या 2 ते 3 महिन्यांपासून गुरुचरण सिंह याची की ‘तारक मेहता का उल्टा चश्मा’ मालिकेतील कास्टमधील कोणासोबत देखील बोलणं झालं नव्हतं.

एका अभिनेत्याने माझं नाव समोर यायला नको या एका अटीवर मोठी माहिती दिली आहे. मालिकेतील काही मित्र गेल्या 2 ते 3 महिन्यांपासून गुरुचरण सिंह याच्यासोबत संपर्क साधण्याचा प्रयत्न करत होते. अभिनेत्याला फोन लागायचा पण समोरुन कोणतं उत्तर येत नव्हतं. अखेर काही लोकांनी वैतागून त्याला फोन करणं देखील बंद केलं होतं.