सियाचीनमधील चीनच्या रस्ता बांधणीचा हिंदुस्थानकडून तीव्र निषेध

सियाचीन भागाच्या उत्तरेकडे हिंदुस्थानी हद्दीतील शक्सगाम खोऱयातून रस्ता बांधल्याबद्दल हिंदुस्थानने चीनकडे तीव्र निषेध नोंदवला आहे. या भूभागातील परिस्थिती बदलण्याचे हे प्रयत्न बेकायदा असल्याचे हिंदुस्थानने म्हटले आहे. शक्सगाम खोरे हा हिंदुस्थानचाच भाग असून, हा भाग चीनच्या सुपूर्द करण्याच्या चीन-पाकिस्तानमधील 1963च्या कथित सीमा कराराला हिंदुस्थानने कधीही मान्यता दिलेली नाही, असे परराष्ट्र प्रवक्ते रणधीर जैस्वाल यांनी सांगितले. देशाच्या हितसंबंधांचे रक्षण करण्यासाठी योग्य ती पावले उचलण्याचा हक्क हिंदुस्थान राखून ठेवत आहे, असे ते म्हणाले. पूर्व लडाखमध्ये हिंदुस्थान आणि चीन यांच्यातील साडेतीन वर्षांहून अधिक जुन्या सीमावादाच्या दरम्यान या प्रदेशात चिनी बांधकाम उपक्रम सुरू आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.