हा वकील नव्हे तर देशद्रोही! विजय वडेट्टीवार यांची उज्ज्वल निकमांवर टीका

उज्ज्वल निकमांनी बिर्याणीचा विषय काढून काँग्रेसला बदनाम केलं होतं. जे खोटं होतं. त्यांनी ते नंतर मान्य केलं. असला बेईमान माणूस आहे तो, हा वकील नाही तर देशद्रोही आहे, अशी टीका राज्याचे विरोधी पक्षनेते विजय वडेट्टीवार यांनी केली.

गुरुवारी माध्यमांनी विचारलेल्या प्रश्नांना ते उत्तरं देत होते. ते म्हणाले की, ॲड. उज्ज्वल निकम यांनी मुंबई दहशवादी हल्ला प्रकरणी न्यायालयात जे पुरावे सादर करायला हवे ते सादर केले नाहीत. शहीद पोलीस अधिकारी हेमंत करकरे यांचा खून दहशतवादी कसाबच्या बंदुकीने झाला नव्हता. ती गोळी संघाशी (आरएसएस) संबंधित एका पोलीस अधिकाऱ्याची होती. निकम यांनी हे सत्य न्यायालयापासून लपवून ठेवलं. त्यामुळे ते देशद्रोही आहेत, असा जोरदार निशाणा वडेट्टीवार यांनी साधला. अशा देशद्रोह्यांना जर भाजप तिकीट देत असेल तर भाजप हा देशद्रोह्यांना पाठीशी घालणारा पक्ष आहे का, असा प्रश्न इथे उपस्थित होतो असंही वडेट्टीवार म्हणाले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.