कोलंबिया विद्यापीठामध्ये पोलिसांचा वेढा

गेल्या दोन आठवडय़ां- पासून अमेरिकेतील कोलंबिया विद्यापीठात पॅलेस्टाईनच्या समर्थनार्थ सुरू असलेले आंदोलन थांबवण्यासाठी आता न्यूयॉर्क पोलिसांनी विद्यापीठाला घेराबंदी घातली आहे. आंदोलनकर्त्या विद्यार्थ्यांना बाहेर काढण्यासाठी पोलीस आक्रमक झाले आहेत. अनेक आंदोलकांना ताब्यात घेण्यात आले. महापौर इरिक एडम्स यांनी आंदोलन थांबायला पाहिजे, असे वक्तव्य केले होते. त्यानंतर काही तासांतच ही कारवाई करण्यात आली आहे. पोलिसांनी बळाचा वापर करून अनेकांची धरपकड केली आहे. यासंदर्भातील काही व्हिडीओ सोशल मीडियावर व्हायरल झाले आहेत. व्हिडीओमध्ये पोलीस हेल्मेट आणि हातात काठय़ा घेऊन उभे असल्याचे दिसत आहे. गाझापट्टीमध्ये होणारा हिंसाचार थांबवण्याची आंदोलकांची मागणी आहे. गाझामध्ये निष्पाप लोक, लहान मुलं यांची हत्या सुरू असून ती तत्काळ थांबावी, अशी मागणी आंदोलकांनी लावून धरली आहे. विद्यार्थ्यांवर कठोर कारवाईचा इशारा आधीच देण्यात आला होता. तसेच विद्यापीठातून काढून टाकण्याची धमकीही विद्यार्थ्यांना देण्यात आली आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.