गुगलची गुगली! सर्च इंजिन ठप्प झाल्याने नेटकरी वैतागले

जगातलं सगळ्यात मोठं सर्च इंजिन अशी ओळख असलेलं गुगल ठप्प झाल्याचं वृत्त आहे. गुगलच्या माहितीअभावी जगभरातले नेटकरी वैतागले आहेत. त्यामुळे आपल्या सोशल मीडिया अकाउंटवरून याविषयीचा अनुभव शेअर करत आहेत. गुगलवर क्लिक करण्यात अडचणी येत असून वेबसाईटच्या टॅबवर 502 Error असं दाखवण्यात येत आहे.

आंतरराष्ट्रीय स्तरावर इंटरनेटच्या तक्रारी नोंदवणाऱ्या डाऊन डिटेक्टर या संस्थेने या विषयीचा अहवाल दिला आहे. गुगलवर सर्च करण्यात अडचणी येत असून गुगल पुरवत असलेल्या इतर काही सेवाही ठप्प झाल्या आहेत. यात ब्रिटनमधून 300 तर अमेरिकेतून 1400हून अधिक तक्रारी नोंदवण्यात आल्या आहेत. सुदैवाने यात जीमेल, यूट्युब, गुगल टॉक चांगल्या पद्धतीने काम करत आहेत.

गुगल हे जगातील सर्वाधिक लोकप्रिय सर्च इंजिन आहे. सगळं काही शोधून देण्याची हमखास खात्री नेटकऱ्यांना गुगल देतं. त्यामुळे माहिती मिळवण्यासाठी गुगलवर भरवसा ठेवता येतो. पण, आता त्यानेच गुगली केल्याने नेटकरी हैराण झाले आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.