T20 World Cup : वर्ल्डकपमध्ये हे 4 संघ खेळतील सेमीफाइनल; मायकेल वॉनचा अजब दावा

T20 वर्ल्डकप 2024 सुरू होण्यास आता एक महिनाच शिल्लक आहे. त्यामुळे सगळे देश आपापल्या संघांची घोषणा करत आहेत. दरम्यान टीम इंडियानेही टी-20 वर्ल्डकपसाठी आपल्या खेळांडूंच्या नावाची घोषणा केली आहे. तसेच रोहित शर्माकडे संघाचे नेतृत्व सोपविण्यात आले. हार्दिक पंड्याची उपकर्णधारपदी निवड झाली आहे. त्यामुळे चाहत्यांमध्ये उत्साहाचे वातावरण आहे. वर्ल्ड कप सुरू होण्यास अजून बराच काळ असला तरी काही चाहत्यांनी आणि तज्ज्ञांनी आतापासूनच भाकित करायला सुरुवात केली आहे. अशाच एका तज्ञाने टीम इंडिया उपांत्य फेरीतही पोहोचू शकणार नाही, असा दावा केला आहे.

My 4 Semi finalists for the T20 WC … England,Austrlalia,South Africa and the West Indies .. #T20WC2024

— Michael Vaughan (@MichaelVaughan) May 1, 2024

इंग्लंडचा माजी कर्णधार आणि सुप्रसिद्ध समालोचक मायकेल वॉन आपल्या विचित्र दाव्यांमुळे आणि बेताल वक्तव्यांमुळे चर्चेत असतो. वॉनने आता देखील टी-20 विश्वचषकाबाबत मोठं भाकित केलं आहे. 2024 च्या वर्ल्डकपमध्ये कोणते संघ फायनलपर्यंत पोहोचतील याबाबत त्याने माहिती दिली आहे. ही माहिती त्यांनी स्वत: च्या ट्वीटर अकाऊंटवरून शेअर केली आहे. मायकेल वॉनने ट्विटमध्ये टी-20 वर्ल्डकपसाठी उपांत्य फेरीतील संघाचा खुलासा केला. वॉनच्या मते, इंग्लंड, दक्षिण आफ्रिका, ऑस्ट्रेलिया आणि वेस्ट इंडिज उपांत्य फेरीत पोहोचतील, असे त्याचे मत आहे.

Means we are winning the trophy this time pic.twitter.com/dBxFjR2Kpx

— !_ (@bholination) May 1, 2024

मायकेल वॉनची पोस्ट पाहिल्यानंतर अनेक युजर्सनी त्याला उत्तरे द्यायला सुरुवात केली. एका युजरने वॉनचा 2023 मधील ट्वीटचा स्क्रिनशॉट पुन्हा एकदा शेअर केला आहे. ज्यात गेल्या वर्षी वॉनने दावा केला होता की भारत, दक्षिण आफ्रिका, इंग्लंड आणि पाकिस्तान उपांत्य फेरीत पोहोचतील. परंतु यामध्ये पाकिस्तान आणि इंग्लंड उपांत्य फेरीपर्यंत पोहोचलेच नव्हते. तसेच वॉनच्या ट्विटमध्येही उल्लेख नसलेल्या ऑस्ट्रेलियानेही विजय मिळवला होता. त्यामुळे चाहते वॉनने केलेल्या भाकिताची खिल्ली उडवत आहेत. कारण याआधीही मालिका किंवा टूर्नामेंटबाबत वॉनचे भाकित अनेकदा चुकीचे ठरले आहेत.