आता महायुतीच्या प्रचारसभेतही स्धानिक नेते आणि कार्यकर्त्यांच्या तोंडी इंडिया आघाडी आणि राहुल गांधींचे नाव निघू लागल्याचे पाहायला मिळत आहेत. मिंधे गटाचे उमेदवार खासदार संजय मंडलिक यांच्या कागल येथील प्रचार सभेतच भाजपच्या एका स्थानिक नेत्यांने पंतप्रधान म्हणून आपला देश तुम्ही राहुल गांधी यांच्या हातात देणार की नरेंद मोदी यांच्या?, या थेट प्रश्नावर उपस्थित एका कार्यकर्त्याकडूनही थेट राहुल गांधी यांचेच नाव घेतल्याने, महायुतीच्या वरिष्ठ नेत्यांची चांगलीच गोची झाली. त्यांनी हसण्यावर वेळ मारून नेली असली तरी देशात सर्वत्र इंडिया आघाडी आणि महाराष्ट्रात महाविकास आघाडीचाच बोलबाला सुरू असल्याचे वास्तविक चित्र दिसून येत आहे.
महायुतीचे उमेदवार खास.संजय मंडलिक यांच्या प्रचारासाठी कागल येथे सोमवारी रात्री प्रचार सभा झाली.यावेळी व्यासपीठावर पालकमंत्री हसन मुश्रीफ,खासदार धनंजय महाडिक, उमेदवार संजय मंडलिक तसेच कागलच्या घाटगे घराण्यातील (ज्युनिअर सरकार) अखिलेशसिंह घाटगे व त्यांच्या बहीण शौमिका महाडिक प्रमुख उपस्थित होत्या. भाजपच्या स्थानिक नेत्या असलेल्या शौमिका महाडिक यांनी आपल्या भाषणात थेट मुद्द्याला हात घातला. देशात भाजपकडून पंतप्रधान म्हणून नरेंद्र मोदी, तर दुसरीकडे इंडिया आघाडीकडे काँग्रेसचे राहुल गांधीं पंतप्रधानपदासाठी पर्याय असून, पंतप्रधान म्हणून आपला देश तुम्ही राहुल गांधी यांच्या हातात देणार की नरेंद मोदींच्या हातात..? असा सवाल शौमिका महाडिक यांनी समोरच्या कार्यकर्त्यांना विचारला. यावेळी काही क्षणांच्या शांततेत व्यासपीठाजवळच उभा असलेल्या एका युवा कार्यकर्त्यांने थेट राहुल गांधी म्हटल्याने, पुन्हा सर्वजण स्तब्ध झाले. या शांततेच शौमिका महाडिक यांच्यासह मंत्री हसन मुश्रीफ आदींनी हसण्यावर वेळ मारून नेण्याचा प्रयत्न केला. या घटनेचा व्हिडीओ आता सोशल मीडियावर जोरदार व्हायरल होत असल्याने, महायुतीच्या नेत्यांचे धाबे चांगलेच दणाणल्याचे दिसून येत आहेत.
पाहा व्हिडीओ –
.jpeg)
.jpeg)
Comment List