मध्य प्रदेशातही ‘सूरत’चे वारे; इंदूरमधून काँग्रेसच्या उमेदवाराची माघार

गुजरातच्या सूरतमध्ये काँग्रेसच्या उमेदवाराचा अर्ज बाद केल्यानंतर इतर उमेदवारांनी माघार घेतल्याने भाजपचा उमेदवार बिवनिरोध विजयी झाला आहे. या सूरत प्रकरणावर विरोधकांकडून टीका करण्यात आली. मात्र, आता सूरतचे हे वारे मध्य प्रदेशपर्यंत पोहचले आहे.

मध्य प्रदेश येथील इंदूरमधील काँग्रेसचे लोकसभेसाठीचे उमेदवार अक्षय कांती बम यांनी आपला उमेदवारी अर्ज मागे घेतला आहे. अक्षय कांती बम यांनी निवडणुकीतून माघार घेत थेट भाजपमध्ये प्रवेश केला आहे. भाजपचे नेते कैलाश विजयवर्गीय यांनी याबाबतची माहिती दिली आहे. विजयवर्गीय यांनी अक्षय बम यांच्यासोबत सेल्फी शेअर केली असून भाजपमध्ये त्यांचे स्वागत केले आहे. भाजपने पुन्हा एकदा रडीचा डाव खेळत निवडणुकीआधीच फोडाफोडीचे राजकारण केल्याची चर्चा राजकीय वर्तुळात होत आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.