'अप्पी आमची कलेक्टर' या मालिकेत एक नवा अध्याय सुरु होत आहे. मालिका आता सात वर्षांची लीप घेत आहे. अप्पी आणि अर्जुन दोघेही सात वर्षे आपल्या जीवनात वेगवेगळ्या वाटेवर जगत असताना आता नियती परत त्यांना समोर आणणार आहे.
नुकतंच या मालिकेचा एक प्रोमो समोर आला आहे. या प्रोमोमध्ये अप्पी अर्जुनला वचन देते की, ती अमोलला त्याच्या वडिलांबद्दल कधीच काही सांगणार नाही. पण सात वर्षानंतर अप्पी उत्तराखंडमधील अल्मोराला कलेक्टर म्हणून काम करत आहे. तेव्हा अर्जुन एका गुन्हेगाराच्या शोधात उत्तराखंडला येतो.
अमोलचा रिझल्ट असल्याने तो देवाला रिझल्टसाठी नाही तर अप्पीला त्याच्या शाळेतील करामती कळू नये म्हणून प्रार्थना करतोय. जेव्हा मंदिरातील घंटा वाजवण्यासाठी त्याचा हात पोहोचत नाही तेव्हा अर्जुन तिकडे येऊन त्याला आपल्या खांद्यावर उचलून घेतो.
अर्जुन अमोलला मंदिरातील घंटा वाजवण्यासाठी मदत करतो. या प्रोमोने प्रेक्षकांचं विशेष लक्ष वेधलंय. या प्रोमोमधील अप्पी आणि अर्जुन यांच्या नवीन लूकबाबतही प्रेक्षकांमध्ये चर्चा होतेय. मालिकेच्या या नव्या प्रोमोला प्रेक्षकांची पसंती मिळतेय.
या मालिकेत बालकलाकार साईराज केंद्रेनं एण्ट्री घेतली आहे. साईराज हा या मालिकेत अप्पी आणि अर्जुनचा मुलगा अमोलचं पात्र साकारणार आहे. मालिकेत प्रेक्षकांना गोष्ट सात वर्षांनी पुढे गेलेली पाहायला मिळेल.
अप्पीने मुलाला वडिलांपासून दूर ठेवण्याचं वचन निभावलं पण या छोट्या पावलांनी त्याच्या बाबांना शोधलंय. आता सात वर्षांपूर्वी तुटलेली नाती पुन्हा जोडली जातील का, हे पाहणं औत्सुक्याचं ठरणार आहे.
'अप्पी आमची कलेक्टर' या मालिकेचा 'महाराष्ट्र दिन' विशेष भाग येत्या 1 मे रोजी संध्याकाळी 7 वाजता झी मराठी वाहिनीवर प्रेक्षकांच्या भेटीला येणार आहे.
About The Author
.jpeg)
Comment List