‘नवरी मिळे हिटलरला’मध्ये एजे-लीलाच्या मेहंदीत सोनाली कुलकर्णीचा धमाका
झी मराठी वाहिनीवरील ‘नवरी मिळे हिटलरला’ ही मालिका प्रेक्षकांच्या पसंतीस उतरत आहे. या मालिकेतील एजे आणि लीलाची केमिस्ट्री प्रेक्षकांना खूप आवडतेय. एजे आणि लीला ही एकमेकांच्या विरोधी स्वभावाची जोडी एकत्र येईल का, याची प्रेक्षकांना उत्सुकता आहे.
या दोघांचा साखरपुडा पार पडल्यानंतर आता मेहंदीचा कार्यक्रम होणार आहे. जसा साखरपुडयात ट्विस्ट आला होता तसंच मेहंदीच्या कार्यक्रमातही काही हंगामा होणार का? एजे आणि लीलाचं लग्नकार्य कोणत्याही अडथळ्याशिवाय पार पडणार का, हे पाहणं औत्सुक्याचं ठरणार आहे.
ही जोडी इतर जोड्यांपेक्षा वेगळी आहे. मेहंदीमध्ये लीलाने एक घोळ घातला आहे. पण ती यामध्ये एकटी नाही. जहागीरदारांसमोर अडचण उभी करण्यासाठी कोणाचे प्रयत्न चालू आहेत, हे आगामी भागांमध्ये पहायला मिळेल. हा सगळा गोंधळ एकीकडे चालू असतानाही मेहंदीची लगबग सुरु आहे.
About The Author
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List