तिरंदाजी विश्वचषकात हिंदुस्थानच्या दीपिका कुमारीने आपल्या विजयाचा धडाका कायम राखला आहे. आई झाल्यानंतरदेखील दीपिकाने तिरंदाजी विश्वचषकात चमकदार कामगिरी केली असून पहिल्या टप्प्याच्या उपांत्य फेरीत तिने कोरियाच्या जिओन ह्युनयंगचा पराभव करत पंपाऊंड प्रकारामध्ये हिंदुस्थानचे चौथे पदक निश्चित केले आहे.

जागतिक क्रमवारीत 142 व्या स्थानावर घसरलेली तीन वेळची ऑलिंपियन दीपिकाने जिओनचा 6-4 (27-28, 27-27, 29-28, 29-27, 28-28) असा पराभव केला. उपांत्य फेरीत तिचा सामना कोरियाच्या नाम सुहयोनशी होणार आहे. तत्पूर्वी, ज्योती सुरेखा वेन्नम आणि अभिषेक वर्मा यांच्या संयुक्त मिश्र संघाने अंतिम फेरीत प्रवेश केला आहे. आता त्यांचा पुढील सामना एस्टोनियाशी होईल.

आशियाई क्रीडा स्पर्धेत सुवर्णपदक विजेती ज्योती पदकांची हॅटट्रिक करण्याच्या शर्यतीत आहे. हिंदुस्थान तिरंदाज चार सांघिक स्पर्धांच्या अंतिम फेरीत पोहोचले आणि ज्योती आणि प्रियांश पंपाऊंड वैयक्तिक प्रकारात उपांत्य फेरीत पोहोचल्यामुळे ते पदकांच्या शर्यतीत आहेत. हिंदुस्थानी संघ पंपाऊंड पुरुष, महिला, मिश्र आणि पुरुष रिकर्व्ह सांघिक स्पर्धांच्या अंतिम फेरीत धडक मारली आहे.