वृत्तसंस्था/ नवी दिल्ली
राष्ट्रकुल क्रीडा स्पर्धेत मिश्र दुहेरीतील विजेती महिला टेबल टेनिसपटू श्रीजा अकुलाने आंतरारष्ट्रीय टेबल टेनिस फेडरेशनच्या महिला एकेरीच्या ताज्या मानांकन यादीत 38 वे स्थान मिळविताना मनिका बात्राला मागे टाकले आहे. यापूर्वी मनिका बात्रा ही मानांकनात 37 व्या स्थानावर होती.
आंतरराष्ट्रीय टेबल टेनिस फेडरेशनच्या महिला एकेरी ताजी मानांकन यादी जाहिर करण्यात आली. या यादीमध्ये श्रीजाने 38 व्या स्थानावर झेप घेतली. तर मनिकाचे स्थान दोन अंकाने घसरले. आता ती 39 व्या स्थानावर राहिल. श्रीजाने गेल्या जानेवारीत विश्व टेबल टेनिस फिडेर क्रॉप्स क्रिस्टी स्पर्धेत जेतेपद तर गेल्या मार्चमध्ये तिने बैरुथ येथे झालेल्या फिडेर स्पर्धेत विजेतेपद मिळविले होते. 2022 च्या राष्ट्रकुल क्रीडा स्पर्धेत श्रीजा अकुलाने मिश्र दुहेरीत सुवर्णपदक मिळविले होते. महिलांच्या मानांकन यादीत यशस्वीनी घोरपडे 99 व्या तर अर्चना कामत 100 व्या स्थानावर आहे.
.jpeg)
Comment List