वृत्तसंस्था/ बार्सिलोना
एटीपी टूरवरील येथे रविवारी झालेल्या बार्सिलोना खुल्या पुरूषांच्या आंतरराष्ट्रीय टेनिस स्पर्धेत नॉर्वेच्या कास्पर रूडने एकेरीचे जेतेपद पटकाविताना ग्रीकच्या स्टिफॅनोस सित्सपेसचा पराभव सरळ सेट्समध्ये केला.
पुरूष एकेरीच्या अंतिम सामन्यात रूडने सित्सपेसचा 7-5, 6-3 अशा सरळ सेट्समध्ये फडशा पाडला. गेल्या आठवड्यात झालेल्या माँटे कार्लो मास्टर्स टेनिस स्पर्धेत रूडला अंतिम सामन्यात सित्सपेसकडून पराभव पत्करावा लागला होता. या पराभवाची परतफेड रूडने बार्सिलोना स्पर्धेत केली. 25 वर्षीय रूडच्या टेनिस कारकिर्दीतील एटीपी टूरवरील हे 11 वे विजेतेपद आहे. रूडने यापैकी 10 अजिंक्यपदे क्लेकोटवरील स्पर्धेत जिंकली आहेत. या पराभवामुळे सित्सपेसची सलग 10 सामन्यातील विजयी घोडदौड खंडीत झाली आहे.
.jpeg)
Comment List