Lok Sabha Election 2024 : अखिलेश यादव नाही तेज प्रताप लढणार लोकसभा निवडणूक

समाजवादी पार्टीचे प्रमुख अखिलेश यादव लोकसभा निवडणूक लढवणार नसल्याचे स्पष्ट झाले आहे. अखिलेश हे कनौज लोकसभा मतदारसंघातून रिंगणात उभे राहतील असे म्हटले जात होते, परंतु समाजवादी पार्टीने या सर्व चर्चांना पूर्णविराम दिला असून नव्या यादीनुसार कनौज येथून सपाने तेज प्रताप यादव यांना उमेदवारी दिली आहे. सनातन पांडेय यांनाही सपाने तिकीट दिले असून त्यांना भाजपचे नीरज शेखर हे आव्हान देणार आहेत.

कनौज लोकसभा मतदारसंघ हा समाजवादी पार्टीचा बालेकिल्ला राहिला आहे. 1998 पासून 2014 पर्यंत सलग समाजवादी पार्टीनेच या जागेवर बाजी मारली आहे, परंतु 2019 च्या निवडणुकीत भाजपचे सुब्रत पाठक यांनी कनौज येथून अखिलेश यादव यांची पत्नी डिंपल यांचा पराभव करून कनौजची जागा खेचून आणली. 2019 च्या लोकसभा निवडणुकीत समाजवादी पार्टी आणि बहुजन समाजवादी पार्टीची युती होती. या निवडणुकीत डिंपल यादव यांना 5 लाख 50 हजार 734 मते मिळाली होती, तर सुब्रत पाठक यांना 5लाख 63 हजार 87 मते मिळाली होती.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.