संसदेतून खासदारांचे बूट गेले चोरीला

पाकिस्तानच्या संसदेतून खासदार आणि पत्रकारांचे बूट चोरीला गेल्याची घटना शुक्रवारी घडली. खासदार, पत्रकार आणि संसद कर्मचारी संकुलातील मशिदीमध्ये नमाजासाठी गेले होते. जेव्हा ते मशिदीतून बाहेर आले तेव्हा त्यांचे बूट चोरीला गेले होते. चोरटय़ांनी 20 जोडे पळवून नेले. त्यामुळे खासदार अनवाणीच संसदेत परतले.

नमाजच्या वेळी संसदेतील सुरक्षा अधिकारी त्यांच्या जागेवर तैनात नव्हते. त्यामुळे ही घटना घडली. नॅशनल असेंब्लीचे अध्यक्ष सरदार अयाज सादिक यांनी या प्रकरणाच्या चौकशीचे आदेश दिले आहेत. सीसीटीव्ही फुटेजवरून आरोपींची ओळख पटवण्याचे प्रयत्न सुरू आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.