हरियाणातील गुरुग्राममधील मदनपुरी येथे स्मशानभूमीच्या मागे असलेल्या गेटची भिंत अचानक कोसळली. ढिगाऱ्याखाली आल्याने एका लहान मुलीसह चार जणांचा मृत्यू झाला आहे. शनिवारी संध्याकाळी 5.30 ते 6 च्या दरम्यान घटना घडली. एकाच वेळी चार जणांचा मृत्यू झाल्याने परिसरात शोककळा पसरली आहे.
सदर घटना सीसीटीव्ही कॅमेरात कैद झाली आहे. भिंतीच्या एका बाजूला काही लोक खुर्चीवर बसले होते. अचानक भिंत कोसळ्याने ते ढिगाऱ्याखाली अडकले. भिंत पडणार असल्याचे जाणवताच त्यांनी खुर्ची उचलून पळण्याचा प्रयत्न केला, मात्र ते पळू शकले नाही आणि दुर्दैवाने त्यांना मृत्यूला सामोरे जावे लागले.
यावेळी तेथे उपस्थित असलेल्या काही मंडळींनी ढिगाऱ्याखाली अडकलेल्या लोकांना तातडीने जवळील रुग्णालयात नेण्यात आले. उपचारा दरम्यान पप्पू, कृष्णा, मनोज आणि लहान मुलगी खुशबू यांचा मृत्यू झाला. घटनेची माहिती मिळताच प्रशासनाचे पथक आणि अधिकारी घटनास्थळी दाखल झाले.
.jpeg)
Comment List