टोरँटो/ वृत्तसंस्था
येथे सुरू असलेल्या विश्व बुद्धिबळ फेडरेशनच्या कँडिडेटस् आंतरराष्ट्रीय बुद्धिबळ स्पर्धेत भारताचा नवोदित ग्रँडमास्टर डी. गुकेश आणि फ्रान्सचा ग्रँडमास्टर फिरोज अलिरेझा यांच्यात उपांत्य फेरीची लढत महत्त्वाची ठरणार आहे.
2024 च्या कालावधीतील कँडिडेटस् आंतरराष्ट्रीय बुद्धिबळ स्पर्धा ही सर्वात मोठी स्पर्धा म्हणून ओळखली जाते. भारतीय गँडमास्टर गुकेश हा या आगामी फेरीच्या लढतीत फ्रान्सच्या अलिरेझावर मात केली तर त्याला या स्पर्धेचे विजेतेपद मिळविण्याची संधी आहे. गुकेशने 7.5 गुण मिळविले असून तो अमेरिकेचा नाकामुरा आणि रशियाचा इयान निपोमेनाची यांच्या समवेत संयुक्त आघाडीवर आहे. या स्पर्धेतील आता दोन फेऱ्या बाकी आहेत. या स्पर्धेतील आगामी फेरीमध्ये नाकामुरा आणि निपोमेनाची यांच्यात लढत होणार आहे. या स्पर्धेत फॅबियानो केरूनाला ही स्पर्धा जिंकण्याची शक्यता अधिक वर्तविली जात आहे. अमेरिकेच्या केरूनाने या स्पर्धेत आतापर्यंत 7 गुण मिळविले असून त्याचा पुढील फेरीतील सामना भारताच्या आर. प्रज्ञानंदबरोबर होणार आहे.
.jpeg)
Comment List