‘लॉरेन्स बिश्नोईचा माणूस येतोय मुंबईत’, सलमान खानच्या घरावरील गोळीबाराच्या घटनेनंतर आता धमकी, थेट

बाॅलिवूडचा दबंग खान अर्थात सलमान खान याला गेल्या काही दिवसांपासून सतत जीवे मारण्याच्या धमक्या या मिळत आहेत. 14 एप्रिलला पहाटे सलमान खान याच्या मुंबईतील घरा बाहेर गोळीबार देखील करण्यात आला. यावेळी हल्लेखोरांच्या निशाण्यावर सलमान खान याच्या घराची बाल्कनी होती. हेच नाही तर हैराण करणारे म्हणजे ज्यावेळी हा गोळीबार झाला, त्यावेळी सलमान खान हा आपल्या कुटुंबासोबत घरातच उपस्थित होता. ईदच्या दिवशी ज्या बाल्कनीत उभे राहून आपल्या चाहत्यांना ईदच्या शुभेच्छा सलमान खान देत होता, त्याच बाल्कनीला टार्गेट करून गोळीबार करण्यात आला.

सलमान खान याच्या घरावर गोळीबार झाल्याची बातमी वाऱ्यासारखी पसरली. यानंतर सलमान खान याच्या चाहत्यांमध्ये चिंतेचे वातावरण देखील बघायला मिळाले. पोलिसांनी अवघ्या काही दिवसांमध्ये सलमान खान याच्या घरावर गोळीबार करणाऱ्या हल्लेखोरांना पकडले. गुजरातच्या भुजमध्ये हे हल्लेखोर एका मंदिरात लपून बसले होते.

आता या गोळीबार प्रकरणाला काही दिवस उलट नाहीत, तोवर एक फोन मुंबई पोलिसांना आलाय. ज्यानंतर मोठी खळबळ ही बघायला मिळत आहे. मुंबई पोलिस कंट्रोल रूमला हा फोन आला असून जेलमध्ये असलेला गँगस्टर लॉरेन्स बिश्नोईचा माणूस मुंबईत येत असून तो येथे मोठ्या गोष्टी घडवून आणणार असल्याचे त्या फोनमध्ये सांगण्यात आलंय.

हा फोन नेमका कुठून आला आणि कोणी केला, याचा शोध आता पोलिसांकडून घेतला जातोय. गँगस्टर लॉरेन्स बिश्नोई गँगचा नेमका कोणता व्यक्ती मुंबईमध्ये येतोय, याचा देखील शोध घेतला जातोय. गोळीबाराच्या घटनेंतर सलमान खान हा पहिल्यांदाच स्पाॅट झाला. कडक सुरक्षेमध्ये सलमान खान हा विमानतळावर स्पाॅट झाला. दुबईला सलमान खान गेलाय.

यापूर्वीही सलमान खान याला लॉरेन्स बिश्नोई याच्याकडून थेट जीवे मारण्याची धमकी ही देण्यात आली. थेट एका मुलाखतीमध्ये सलमान खान याला जीवे मारणार असल्याचे लॉरेन्स बिश्नोई याने म्हटले होते. लॉरेन्स बिश्नोई हा सतत सलमान खान याला जीवे मारण्याच्या धमक्या देताना दिसतोय. सलमान खान याच्या सुरक्षेत मोठी वाढ करण्यात आली असून मुंबई पोलिसांकडून सलमान खानला सुरक्षा पुरवली जात आहे.