छगन भुजबळ यांची नाशिकच्या जागेवरून माघार, पत्रकार परिषद घेत केले जाहीर

Lok Sabha Election 2024: नाशिकमधून महायुतीचा कोणता उमेदवार लढणार अशा चर्चा सुरू आहेत. यामध्ये अजित पवार गटातील छगन भुजबळ यांचं नाव चर्चेत होतं. मात्र आता नाशिकच्या जागेवरून माघार घेत असल्याची माहिती भुजबळ यांनी पत्रकार परिषद घेत जाहीर केली आहे.

नाशिकच्या जागेचं भिजत घोंगडं अजूनही तसंच आहे, कुणी तरी ते साफ केलं पाहिजे, असं म्हणत आपण कुणावरही नाराज नाही. मात्र नाशिकमध्ये महाविकास आघाडीने उमेदवार खूप आधीच जाहीर केला. पण महायुतीचं अजून काही ठरत नाही. त्यामुळे उशीर आहे. तेव्हा कुणी तरी माघार घेतली पाहिजे, म्हणून मी माघार घेत असल्याचं छगन भुजबळ म्हणाले. महायुतीनं कुणालाही उमेदवारी द्यावी पण मी यातून माघार घेत आहे, असं त्यांनी स्पष्ट केलं.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.