आयपीएल सामन्यावर बेटिंग करणारा अटकेत 

आयपीएलच्या कोलकाता आणि राजस्थान सामन्यावर बेटिंग करणाऱयाला बांगूर नगर पोलिसांनी अटक केली. निखिल सिंग असे त्याचे नाव आहे. त्याला अटक करून न्यायालयात हजर केले होते.

मंगळवारी राजस्थान आणि कोलकाता हा सामना खेळवला गेला होता. त्या सामन्यावर एकजण बेटिंग करत असल्याची माहिती बांगूर नगर पोलिसांना मिळाली. वरिष्ठ निरीक्षक प्रमोद तावडे यांच्या पथकातील पोलीस निरीक्षक भास्कर कदम, सहाय्यक निरीक्षक विवेक तांबे, राहुल भदारगे आणि पथक चिंचोली बंदर परिसरात गेले. पोलिसांचे पथक एका पॅफेमध्ये गेले. त्या पॅफेमध्ये टीव्ही सुरू होता. टीव्हीवर राजस्थान आणि कोलकाता हा सामना सुरू होता. निखिल हा मोबाईलवरून एक वेबसाईट सर्च करत होता. त्या वेबसाईटबाबत निखिलला पोलिसांनी विचारणा केली. ते अॅप्स क्रिकेट बेटिंगसाठी असल्याचे त्याने पोलिसांना सांगितले.

त्या अॅप्समध्ये काही पॉईंट दिसत होते. तसेच त्याच्या मोबाईलमध्ये क्रिकेट बेटिंगबाबत काही चॅट्स होते. पोलिसांनी निखिलला ताब्यात घेऊन त्याच्याकडील मोबाईल जप्त केला. त्याच्याविरोधात गुन्हा नोंद करून त्याला अटक केली. निखिलला अटक करून न्यायालयात हजर केले असता त्याला पोलीस कोठडी सुनावली आहे.