पुतण्याचा हलगर्जीपणा काकाच्या जिवावर बेतला

पुतण्याने पार्क केलेली बस सुरू करून ती पुढे नेत असताना आपल्या काकाला चिरडल्याची घटना काळाचौकी परिसरात घडली. गाडीखाली काका झोपलेले असल्याची खातरजमा न करता त्यांच्या अंगावर त्याने बस चढवली. यात दुर्दैवाने गंभीर जखमी झालेल्या काकाचा मृत्यू झाला. या प्रकरणी काळाचौकी पोलिसांनी गोकुळदास नवतुरे (22) याच्या विरोधात गुन्हा दाखल केला.

भरत नवतुरे यांचा या दुर्दैवी घटनेत अंत झाला. भरत आणि त्यांचा पुतण्या गोकुळदास हे एकत्रच वाशिंद येथे राहत होते. शिवाय दोघेही काळाचौकी येथील मोहम्मद हातिम दुधवाला यांच्या मोहम्मद टुर्स अँड ट्रव्हल्स या ट्रान्सपोर्टमध्ये काम करत होते. शिवडी येथील पालिकेच्या पार्ंकगमध्ये कंपनीच्या गाडय़ा पार्क केलेल्या होत्या. 15 तारखेच्या सकाळी गोकुळदास बस सुरू करून पुढे नेत असताना मागच्या चाकाखाली भरत आले. हे कळताच त्याने बस मागे घेऊन भरत यांना बाजूला काढले. मात्र यात भरत यांना गंभीर दुखापत झाली. त्यांना तत्काळ केईएम इस्पितळात नेण्यात आले. मात्र तेथे उपचार सुरू असताना भरत यांचा मृत्यू झाला. या प्रकरणी काळाचौकी पोलिसांनी भरत यांच्या मृत्यूस कारणीभूत ठरल्या प्रकरणी गोकुळदास याच्या विरोधात गुन्हा दाखल केला.